Теміржол вокзалдарында да Ashyq қосымшасы іске қосылады

136

Ashyq қосымшасы Қазақстанның теміржол вокзалдарында да қолданылатын болады, деп хабарлайды zakon.kz.

17 маусымнан бастап Ashyq қосымшасы «Нұрлы жол» теміржол станциясында іске қосылады. Алматы-1, Алматы-2, Қарағанды ​​және Өскемен станцияларында қосымша 21 маусымда жұмыс істей бастайды.

1 шілдеден бастап Ashyq қосымшасы Ақтөбе, Атырау, Бейнеу, Көкшетау, Қостанай, Қызылорда, Маңғыстау, Орал, Павлодар, Семей, Тараз, Түркістан, Шымкент және Шу станцияларында іске қосу жоспарланған.

 

QR кодын сканерлеу арқылы Ashyq қосымшасы арқылы кіру жүйесі «Нұрлы жол» вокзалының барлық кіреберістерінде жұмыс істейді. Жолаушылар арасындағы қашықтықты сақтау үшін вокзал кешенінің қызметкерлері кіреберістерде жолаушыларды бөліп қабылдайды. Кіру кезінде жолаушыға Ashyq мобильді қосымшасының көмегімен QR кодын сканерлеуі қажет. Егер жолаушыда қосымша немесе смартфон болмаса, кіре берісте вокзал кешенінің қызметкеріне ЖСН-ін көрсетуі қажет, – деп хабарлады «Қазақстан темір жолы» ҰК» АҚ баспасөз қызметі.

 

Шетелдіктер мәртебесін қалай тексереді

Шетелдіктердің мәртебесі сол жерде төлқұжат нөмірі арқылы тексеріледі. 18 жасқа дейінгі балалар тексерілмейді.

Теміржол вокзалына кімдер кіргізілмейді

«Қызыл» және «сары» мәртебесі бар адамдар вокзалға жіберілмейді.

Егер жолаушыларға Ashyq қосымшасы арқылы вокзал үй-жайына кіруге рұқсат етілмеген болса, онда жолаушы пайдаланылмаған билетті қайтару үшін билет кассасына бара алмайды.