Екінші орта салмақтағы WBC және WBA нұсқалары бойынша әлем чемпионы мексикалық Сауль Канело Альварес қашан рингке шығатыны белгілі болды, – деп хабарлайды Vesti.kz.
Спорт порталының мәліметінше, 27 ақпанда Мексикада Канело WBC нұсқасы бойына әлем чемпионы атағын қорғайды. Ол Авни Йылдырыммен жұдырықтасады.
BoxingNews24 шолушысы Дэн Эмброуздың айтуынша, мамырда Канело DAZN стриминг сервисімен Головкинмен 3 рет жұдырықтасу бойынша келісімге келген. Келісімнің 3 нұсқасы бар: қазақстандық Геннадий Головкинмен үшінші жекпе-жекті өткізу, WBО чемпионы британиялық Билли Джо Сондерспен бірлескен жекпе-жекті немесе IBF чемпионы америкалық Калеб Плантпен қарсы кездесу өткізу.
Еске салайық, Головкин мен Канелоның алғашқы жекпе-жегі (2017 жылдың қыркүйегінде) тең нәтижемен аяқталған еді. Ал екінші кездесуде (2018 жылдың қыркүйегінде) мексикалық боксшы төрешілердің шешімімен жеңіске жеткен болатын.
