Маңғыстау облысында жекеменшік үйден 900 келі бекіре табылды

Маңғыстау облысындағы Түпқараған ауданында полиция қызметкерлері 900 келіден аса балық тәркіледі, деп хабарлайды Lada.kz сайты. 

6 мамырда 18:00-де табиғатты қорғау полициясының қызметкерлері Сайын Шапағатов ауылындағы жекеменшік үйлердің бірінен 971 келі бекіре етін тауып алған.

“Сайын Шапағатов ауылындағы үйлердің бірін тексеру барысында 224 бекіре табылды. Бұл дерек ҚР Қылмыстық кодексінің 339-бабы бойынша Түрқараған аудандық полиция бөлімі сотқа дейінгі тергеп-тексерудің бірыңғай тізіліміне тіркелді. қазір сотқа дейінгі тергеу жүріп жатыр”, – деді ведомствоның баспасөз қызметіндегілер.

kaz.tengrinews.kz