Рамазан айында тіс жұлдырса, ораза бұзыла ма?

Рамазан айы басталағы бері халық тарапынан түрлі сауалдар туындады. Соның бірі “Рамазан айында тіс жұлдырса, ораза бұзылады ма?”. Бұған қатысты Қазақстан мұсылмандары діни басқармасының шариғат және пәтуа бөлімі жауап берді деп хабарлайды fatua.kz.

Муфтияттың мәліметінше, тіс жұлдырған кезде тамаққа ештеңе өтпесе, ораза бұзылмайды.

Бұған ханафи мәзһабына қатысты “Раддул мұхтар” атты кітабындағы мына сөз дәлел:

“Тістерінің арасынан қан шығып, тамағына барса, яғни ішке өтпесе, ауызы ашылмайды. Бірақ тамақтан ішке өтсе де, қан түкіріктен басым не бірдей болса, немесе қанның дәмін сезсе, ораза бұзылады. Егер қан түкіріктен аз болса, ораза бұзылмайды”