Қазақстанда азық-түлік күрт қымбаттап барады

2019 жылдың мамыр айында инфляция 0,6%-ды құрады. Бір ай ішінде азық-түлік тауарларының бағасы 0,9%-ға, азық-түлікке жатпайтын дүниелердің құны – 0,5%, ақылы қызметтер – 0,2%-ға қымбаттады, деп хабарлайды Zakon.kz LSбасылымына сілтеме жасап.

Жыл басынан бергі инфляция деңгейі 2,4 пайызға жетті. Бес ай ішінде азық-түлік бағасы 5,7 пайызға өткен.

Ең жоғары инфляция Шымкент пен Нұр-Сұлтанда (3,1%), Қарағанды облысында (2,8%), Атырау мен Түркістан облыстарында (2,7%).

Ең төмені – Алматы (2%) мен Ақмола облыстарында (1,9%).

Статистика комитеті хабарлағандай, бір айда бидай 7,6%-ға, ұн – 2,1%, қой еті 3,1%-ға қымбаттады.