18 тамызда Алматының жолдары ішінара жабылады

18 тамыз күні «Tour of World Class Almaty» 2019 веложарысының өтуіне байланысты таңғы сағат 5.30 түскі 13.00 дейін веложарыс өтетін көшелер жабылып, көлік қозғалысы шектеледі. Бұл туралы ҚазАқпарат ұйымдастырушыларға сілтеме жасап хабарлайды. Алтыншы мерейтолы «Tour of World Class Almaty» 2019 веложарысқа 850 қатысушы тіркелді. Жарыстың басталуы ойын-сауық орталығы «Mega Center Alma-Ata» 2, балалар қашықтығынан (14 км), таңғы сағат 8-ге жоспарланған. Сонымен төменде көрсетілген көшелер жабылады: Розыбакиев көшесі – Левитан көшесінен Әл-Фараби даңғылына дейін 5.30-дан мерекелік шараның соңына дейін (13.00) жабылады. Әл-Фараби көшесі – Розыбакиев көшесінен Назарбаев даңғылына дейін 06:00-дан 10:30-ге дейін жабылады. Сайын көшесі – Розыбакиев көшесінен Рысқұлов даңғылына дейін (Жандосов, Шаляпин, Абай, Төле би, Райымбек батыр көшелері) 06:00-дан 11:30-ге дейін жабылады. Рысқұлов көшесі – Сайын көшесінен Бауыржан Момышұлы көшелері арасы 08:30-дан 12:00-ге дейін жабылады. Момышұлы көшесі – Рысқұлов көшесінен Ақын Сараға дейін 08:30-дан 12:00-ге дейін жабылады. Барлық жол жабылады. Ақын Сара және Ақ Қайнар көшелерінің арасы 08:30-дан 12:00-ге дейін жабылады. Ақ Қайнар көшесі – автоцонға дейін және Бұрындай полиция полкына дейін 08:30-дан 12:00-ге дейін жабылады. Соңғы қатысушы сағат 12.00-ге дейінгі қашықтықты өткеннен кейін ғана автокөлік қозғалысы толық қалпына келеді.

inform.kz