Әсет Асаубаев Көлік комитеті басшысы қызметінен кетті – Ел жаңалықтары

Әсет Асаубаев ҚР Индустрия және инфрақұрылымдық даму министрлігінің Көлік комитетінің басшысы қызметінен кетті. Мәліметті ведомство өкілдері растады, – деп хабарлайды Tengrinews.kz тілшісі. 

“Ол өз еркімен босады. 2019 жылы 28 қаңтарда бұйрық шықты”, – деді министрлік өкілдері. 

Асаубаев 2005 жылдан бастап министрлікте түрлі лауазымдарда жұмыс істеді. 2013 жылы ол көлік комитетін басқарды. 1982 жылы 14 қыркүйекте Шығыс Қазақстан облысында дүниеге келген. 2003 жылы Абай атындағы Алматы мемлекеттік университетінде “Тарих, құқық және экономика негіздері мұғалімі” мамандығы бойынша білім алған. 2006 жылы Қазақ қатынас жолдары университетінде “инженер-механик” мамандығы бойынша тәмамдаған.

Дереккөз: kaz.tengrinews.kz