Алматы облысында бір адам коронавирус жұқтырған

Алматы облысының Қарасай ауданында бір адам коронавирус жұқтырған, – деп хабарлайды Tengrinews.kz тілшісі.

“Қазақстандағы коронавирус бойынша 21 наурыздағы 12.00 сағ. жағдай. Осы сағатта Нұр-Сұлтан қаласы бойынша 28 адам, Алматы қаласында – 22 адам, Қарағанды қаласында – 2, Алматы облысында – 1 адам, жалпы 53 науқас тіркелді”, – деп хабарлады Денсаулық сақтау министрлігінің баспасөз қызметі.

Мұның алдында Денсаулық сақтау министрлігі Талдықорғанда бір науқас анықталғанын мәлімдеген. Алайда кейінірек ақпарат өзгерді.

Еске салайық, 21 наурыздан 22 наурызға қараған түні Алматы мен Нұр-Сұлтан толығымен жабылады. Жүк тасымалдаушыларға ғана қалаларға кіруге рұқста беріледі.