Алматыда Ислам Каримовтың құрметіне көше аты берілді

 

Алматыда Өзбекстанның бұрынғы президенті Ислам Кәрімовтың құрметіне көше берілді деп хабарлайды қалалық әкімшіліктің баспасөз қызметіне сілтеме жасаған NUR.KZ.

Көшеге Ислам Кәрімовтың атын беру туралы шешім қалалық маслихаттың XXXIV сессиясында мақұлданған.

Әкімшіліктің баспасөз қызметінің хабарлауынша, Алматыдағы 20 көшеге жаңа есім беріледі. Олардың ішінде Тәуке хан, Есім хан, Фарида Шәріпова, Жаяу Мұса, Жеті жарғы, Ақжайнақ, Тайбурыл есімдері бар.

Атауы өзгеретін көшелер Әуезов, Бостандық, Жетісу, Медеу және Түріксіб аудандарында орналасқан.