Алматыдағы Көк базар бір айға жабылды

Алматының бас санитарлық дәрігері Көк базардың бір айға жабылатындығын мәлімдеді, деп хабарлайды zakon.kz.

Жандарбек Бекшиннің айтуынша, қалада азаматтардың өзін-өзі емдеп, дәрігерге қаралмауы және жұмыс орындарында індет ошақтары пайда болуы салдарынан аурудың күрт өсімі байқалады.

Мысалы, өз еркімен екі аптаға жабылған “Рахат” кондитерлік фабрикасы. Одан бөлек сот шешімімен бір айға жабылған Көк базар бар. Төрт басқарманың қатысуымен өткізілген мониторинг кезінде қала әкімдігі тарапынан айтылған санитарлық-эпидемиологиялық қызметтің талаптары орындамағаны үшін базарға 1 миллион 727 мың теңге көлемінде айыппұл салынды, – деді ол.

Бекшин қазіргі ең маңызды міндет – алдын алу шарасын қолдану екенін айтты.

Жұмыс берушілер, ең бастысы, адамдардың денсаулығы екенін түсінуі өте маңызды, – деп сөзін қорытындылады Бекшин.

Бұрын базар әкімшілігінде 20 адам КВИ жұқтырғаны хабарланған болатын. Сатушылар арасынан ауру тіркелген жоқ. Базар әкімшілігінің ұйымдастыру бөлімінің бір қызметкері қайтыс болды.