Головкин 2019 жылы мол табысқа кенелуі мүмкін – Бокс

Танымал Forbes журналы 2019 жылы өтетін ең табысты бес жекпе-жектің тізімін жасады, – деп хабарлайды Vesti.kz.

Бұл тізімде орта салмақта әлем чемпионы болған қазақстандық Геннадий Головкинде (38-1-1, 34 КО) жүр. Басылым пайымдауынша, WBC “уақытша” чемпионы америкалық Джермалл Чарломен (28-0, 21 КО) жұдырықтасу Головкинге “зор табыс пен көптеген көреремен” әкеледі.

“Жоғары санаттағы орта салмақ боксшылары туралы айтсақ, Головкин – Чарло жекпе-жегі екі мәселенің бірін шешетін еді: Чарлоға элиталы боксшыны жеңуге мүмкіндік немесе Альварестен жеңілгеннен кейін Головкиннің карьерасына жан бітіреді. Чарло жақында Корбовты әзер жеңді, енді ол 160 фунтта мықты бәсекелес бола ала ма деген сұрақ туындайды. Головкин еркін агент Premier Boxing Champions компаниясымен келіссөздер жүргізді. Егер ол PBC-мен келісімшартқа отырса, (Чарло да осында) бұл жекпе-жек өтуі ықтимал”, – деп жазады журнал.

Дереккөз: https://kaz.tengrinews.kz