Кабулда шетелдіктерге арналған кешенде жарылыс болды: 113 адам зардап шегіп, 4 адам қаза тапты – Жаһан

Кабулда шетелдіктерге арналған кешеннің аумағында теракт болды, – деп хабарлайды Tengrinews.kz тілшісі РИА Новости мен Ауғанстанның ІІМ ресми өкілінің орынбасары Нусрат Рахимиге сілтеме жасап.

Жарылыс салдарынан, соңғы мәліметтер бойынша, 113 адам зардап шеккен, олардың 23-і – балалар. Кем дегенде төрт адам қаза тапқан.

Ішінде жарылғыш зат болған көлік Green Village кешенінде болған. Жергілікті БАҚ мәліметінше, бұл кешен шетелдіктерге арналған және сайттағы ресми мәліметтерге қарағанда, ол аумақ күзетілген.


Дереккөз: https://kaz.tengrinews.kz