Назарбаев пен Тоқаев Путинмен сөйлесті – Ел жаңалықтары

Нұрсұлтан Назарбаев пен Қасым-Жомарт Тоқаев Владимир Путинмен сөйлесті, – деп хабарлайды Tengrinews.kz тілшісі Ресей президентінің баспасөз қызметіне сілтеме жасап.

Владимир Путин Қазақстанның Тұңғыш Президенті, Қауіпсіздік Кеңесінің төрағасы Нұрсұлтан Назарбаевпен және Қазақстан Президенті Қасым-Жомарт Тоқаевпен телефон арқылы сөйлескені хабарланды.

“Владимир Путин екі тараптың одақтастық қатынасының дамуына және еуразиялық бірлесу жобасының сәтті жүзеге асуына үлкен үлес қосқаны үшін Нұрсұлтан Назарбаевқа алғыс білдірді. Қазақстанның Тұңғыш Президенті Еуразиялық экономикалық одақ аясында әріптестікті күшейту бойынша жұмыстарға белсенді қатыса беретініне сенімді екенін айтты”, – деді Кремльдің баспасөз қызметі.

Ресей президенті Қасым-Жомарт Тоқаевты президенттік қызметімен құттықтап, оған сәттілік тіледі.

“Олар алдағы уақытта Ресей мен Қазақстанның әріптестік байланысының одан әрі тығыз болуына және жақын арада Қасым-Жомарт Тоқаевтың Ресей Федерациясына іссапарын ұйымдастыруға келісті”, – деп хабарланды.



[ad_2]

Дереккөз: kaz.tengrinews.kz