Полиция Алматы мен Алматы облысында блокбекеттер қойылды деген мәліметке пікір білдірді

Алматы мен Алматы облысында қайтадан блокбекеттер қойылды деген мәлімет шындыққа жанаспайды. Бұл туралы Алматы қалалық полиция департаментінің өкілдері айтты, – деп хабарлайды Tengrinews.kz тілшісі.

“Желіде Алматы мен Алматы облысында қайтадан блокбекеттер қойылды деген мәлімет тарап жатыр. Белгісіз біреулер Алматыдан Қаскелеңге, Ұзынағашқа, Шамалғанға бара жолда блокбекеттер қойылғаны туралы хабарлап жатыр. Бұл мәлімет расталмаған. Блокбекеттер қойылмайды”, – делінген полицияның хабарламасында.