Қарағандыда бір тәулікте 26 жол апаты болды

Қарағанды облысында ауа райының қолайсыздығына байланысты (көктайғақ) 26 жол-көлік оқиғасы болды, – деп хабарлайды “Новый Вестник”.

“Қарағанды – Теміртау” тасжолында жол апаты дерегіне қатысты ҚР Қылмыстық кодексінің 345-бабы 2-бөлігі бойынша әкімшілік хаттама толтырылды.

“Қарағанды – Теміртау” тасжолында SsangYong маркалы автокөліктің 35 жастағы жүргізушісі алдын ала мәлімет бойынша – көктайғақ салдарынан, көлікті басқаруды игере алмай Toyota және Lada Priora көліктеріне соқтығысқан. Салдарынан SsangYong көлігіндегі бір жолаушы және Lada Priora автомобилінде отырған төрт жолаушы әр түрлі дене жарақатымен ауруханаға түсті. Жол апаты биыл 18 сәуірде болды”, – деді өңірлік полиция департаментінің өкілдері.

Қарағанды облыстық полиция департаменті тағы да жүргізушілерге жол қозғалысы ережесін қатаң сақтауды және ауа райының қолайсыздығына байланысты жолда сақ болуға шақырады.

kaz.tengrinews.kz