Қазақстан коронавирусқа қарсы вакцинаның 5,5 миллион дозасын сатып алады

Қазақстан коронавирусқа қарсы вакцинаның 5,5 миллион дозасын сатып алады. Бұл туралы денсаулық сақтау министрі Алексей Цой айтты, – деп хабарлайды Tengrinews.kz тілшісі.

“Біз коронавирустық инфекцияға қарсы 5,5 миллион доза вакцина сатып алу мәселесін пысықтап жатырмыз. Осы вакциналарды өндіретін түрлі елдермен Қазақстан аумағына сатып алу және жеткізу мүмкіндігін қарастырып жатырмыз. Сонымен қатар, біз қазақстандық вакцинаны өндіру және нарықта тіркеу мәселесін қарастырып жатырмыз, ол клиникалық зерттеулер кезеңінде де жақсы нәтижелер көрсетіп отыр”, – деді Алексей Цой.

Еске салайық, өткен тәулікте елімізде коронавирус пен пневмониядан алты науқас қайтыс болған еді.