Қазақстанда сауда орталықтары мен базарлар жұмысын тоқтатпайды

Орталық коммуникациялар қызметіндегілер бұқаралық шараларды өткізуге уақытша тыйым салынғанына қарамастан сауда орталықтары мен базарлар жұмысын жалғастыра беретінін айтты, деп хабарлайды zakon.kz.

Сауда орталықтары, базарлар әдеттегідей жұмыс істей береді. Бірақ кинотеатрлар жұмыс істемейді, – деді ОКҚ-дағылар.

Жаппайтын себебі – халық өзіне қажетті азық-түлік сатып алуы керек.

Дүкендердегі азық-түліктің жетпей қалу мүмкіндігі туралы сауалға ОКҚ бұл мәселе қатаң бақылауда екенін жеткізді.

Қазақстан халқы алты айға жететін тамақпен қамтамасыз ете алатындай өнімдер бар бізде. Азық-түлік қауіпсіздігі мәселесі бірінші кезекте тұр. Тамақпен қамтамасыз ету мәселесі бақылауда, – деді вице-премьер Ералы Тоғжанов.