ШҚО тұрғыны дәрігердің жазуын түсінбей, Желіде көмек сұрады – Бір үзік

Шығыс Қазақстан облысының тұрғыны дәрігердің жазуын түсінбей, Желі қолданушыларынан көмек сұрады. Өскемендегі жергілікті интернет-пабликтерде бір әйел өз баласының медициналық картасындағы дәрігердің жазуын түсіндіріп беруін сұраған, – деп хабарлайды Устинка LIVE басылымы.

“Бүгін баламмен емханаға бардым. Тамағы ауырып, дене қызуы көтерілді. Міне, мына дәптерде дәрігердің жазып бергені, онда не жазғанын түсіне алмадым. Одан түсінікті етіп жазуын сұрадым. Сосын ол дәл сондай жазумен маған қажетті дәрілердің тізімін берді. Сол қағазбен дәріханаға барсам, фармацевт не жазылғанын менен сұрайды. Біреу не жазғанын түсінетін шығар?”, – деп жазған ШҚО тұрғыны.

Қолданушылардың бірі диагноздың латын әліпбиінде жазылғанын айтса, кейбіреулер “асқынған гайморит” деп жазғанын болжап жатыр.

Осыған байланысты ШҚО Денсаулық сақтау басқармасының тұрғындары дәрігерлерден кеңестер мен науқасқа қатысты диагнозды компьютерде теріп беруді сұрайды.

Дереккөз: kaz.tengrinews.kz