Тоқаев қазақстандықтарды Құрбан айт мерекесімен құттықтады

Президент Қасым-Жомарт Тоқаев қазақстандықтарды Құрбан айт мерекесімен құттықтады, – деп хабалайды Tengrinews.kz тілшісі Ақорда сайтына сілтеме жасап.

“Құрметті отандастар! Күллі мұсылман үмбетін Құрбан айт мерекесімен құттықтаймын! Қасиетті Құрбан айт –  мейірімділік пен қайырымдылық құндылықтарының теңдессіз көрінісі ретінде халқымыздың рухани дүниесінен ерекше орын алатын мейрам”, – деді Президент. Тоқаевтың айтуынша, осы күні имандылықты өскелең ұрпақты тәрбиелеу көзі деп санайтын мұсылман қауымы ізгі ниетімен игі істер атқарып, өзара түсіністік пен келісім рухын нығайта түседі.      “Бұл ынтымақ пен бірлікті қадір тұтып, сақтап келе жатқан еліміз үшін өте маңызды. Қасиетті мейрамда баршаңызға зор денсаулық, құт-береке тілеймін. Отанымыз – Қазақстан Республикасы өркендей берсін!”, – деді Тоқаев.
Kaz.tengrinews.kz