Хатты оқыдым! Қамалған дәрігерлер дауы Тоқаевқа жетті

Соңғы екі күнде Алматыда №4 қалалық клиникалық аурухананың екі дәрігері қамауға алынды. Қамауға алынған дәрігердің әйелі Президентке ашық хат жазып, тергеудің Күдебаевтың ұлы қайтыс болған соң және дәлелсіз басталып кеткеніне шағым айтқан, деп хабарлайды Zakon.kz.

Президенттің twitter-інде осы оқиғаға байланысты жазба жарияланды.

“Мен Нью-Йоркте жүріп, Германияда науқастың қайтыс болуына байланысты Алматының 4-ші қалалық ауруханасының бас дәрігері мен анестезиологының ұсталуы туралы дәрігерлер қауымының хатын оқыдым. Бәрін заңға сәйкес тексеруді тапсырдым. Президент әкімшілігі, ҚР Денсаулық сақтау министрлігі, Алматы қаласының әкімі бұл істі бақылауына алды”, деген жазба шықты ҚР Президенті Қасым-Жомарт Тоқаевтың twitter-дегі парақшасында.