Өңірлерді азық-түлікпен қамтамасыз ету үшін 32 миллиард теңге бөлінеді

Өңір тұрғындарын азық-түлік өнімдерімен қамтамасыз ету мақсатында 32 миллиард теңге бөлінеді, – деп хабарлайды Tengrinews.kz тілшісі. Бұл туралы премьер-министрдің орынбасары Ералы Тоғжанов мәлімдеді.

“Үкімет тарапынан азық-түлік пен халыққа қажетті тауарлармен қамтамасыз ету жолдары толығымен қаралған. Бұл жұмыстарға 32 миллиард теңгеден аса ақша бөлу жоспарланып отыр (республикалық бюджеттен – 14,8 миллиард теңге, жергілікті бюджеттен – 18 миллиард теңге)”, – деді Тоғжанов.

Сондай-ақ, премьер-министрдің орынбасары қажет тауарлардың бағасын көтеру фактілері кездескен жағдайда қатаң заңды шаралар қолданылатынын ескертті.