Головкиннің промоутері “Канеломен” трилогияға қатысты мәлімдеме жасады

Қазақстандық Геннадий Головкиннің (38-1-1, 34 КО) промоутері Том Леффлер мексикалық Сауль “Канело” Альвареспен (51-1-2, 35 КО) үшінші жекпе-жекке қатысты өз ойын айтты.

Боксшылар Лас-Вегастағы T-Mobile аренасында екі рет жұдырықтасқан: 2017 жылы қыркүйекте тең түсті, ал бір жыл өте Альварес төрешілер шешімі бойынша жеңді. Осылайша, Головкин алғаш рет жеңіліп, WBC, WBA (Super) және IBO белбеулерінен айрылды.

Мұның алдында Альварес үшінші жекпе-жекке Головкинде белбеу болса ғана келісетінін айтқан. Алайда қазақстандық оның сөзімен келіспеді. Енді Леффлер де қазақстанды боксшының айтқанына қосылып отыр.

“Канеломен” трилогия – Геннадийдің DAZN-мен келісімшартқа қол қоюының басты себебі, бұл оған апарар анық жол. Титулдар маңызды болады деп ойламаймын. GGG және “Канелоға” карьерасының қазіргі кезеңінде титулдар маңызды емес. “Канело” желтоқсанда MSG-да жұдырықтасып, жақсы сатылым жасады, Головкин де осында оралып отыр. Меніңше, үшінші жекпе-жек мәселесі ақшада болады. Ал кездесу өтетін орын келіссөздерде талқыланады. Өйткені енді ол Лас-Вегаста жұдырықтасуға міндетті емес”, – дейді Леффлер Головкиннің келесі жекпе-жегіне арналған баспасөз мәслихатында.

vesti.kz