Криштиану Роналду футболдағы ізбасарын тапты

Туриндік “Ювентус” шабуылшысы Криштиану Роналду клуб португалиялық “Бенфиканың” жартылай қорғаушысы Жоау Фелишті тез арада өздеріне алу керек деген ойда, – деп хабарлайды Sportsmole.

Роналдудың ойынша, Фелиш футбол әлемінде оның ізбасары бола алады. Португалиялық “Ювентус” басшылығынан келісімшартты жылдамырақ аяқтауды сұрап отыр. Өйткені 19 жастағы хавбек туриндіктерге келесі Чемпиондар лигасын жеңіп алуға көмек болады екен.

Алайда Фелишке италиялық клуб қана қызығып отырған жоқ, жартылай қорғаушыны “Манчестер Юнайтед”, “Манчестер Сити” және “Реал” өз сапында көргісі келеді.

Фелиштің өзі “Ювентуске” ауысуға қарсы емес. Биылғы маусымда ол 37 матчте 16 гол салды және тоғыз нәтижелі пас берді. 12 сәуірдегі германиялық “Айнтрахтқа” қарсы ойында (4:2) хавбек Еуропа лигасының 1/4 финалында хет-трик жасаған ең жас футболшы атанды.

Айта кетейік, 16 сәуірде голландиялық “Аякс” туриндік “Ювентусты” 1/4 финал кезеңінде Чемпиондар лигасынан шығарып тастады.

Роналду “Ювентуске”  мадридтік “Реалдан” 2018 жылы жазда ауысқан. Футболшының трансфері 112 миллион еуро болды.

vesti.kz