Сауд Арабиясы Усама бен Ладеннің ұлының азаматтығын қайтарып алды

Сауд Арабиясы билігі “Әл-Қаида” террористік тобының жетекшісі Усама бен Ладеннің ұлы Хамза бен Ладеннен азаматтығын қайтарып алды. Бұған қатысты Сауд Арабиясы ішкі істер министрлігі шығарған бұйрықтың мәтіні жұма, 1 наурызда жарияланған.

Усама бен Ладеннің өзін АҚШ-тың арнайы жасақ өкілдері 2011 жылы мамыр айында Пәкістанда атып өлтірген болатын.

АҚШ мемлекеттік департаменті 28 ақпанда Хамза бен Ладеннің қайда екені туралы ақпарат айтқан адамға миллион долларға дейін сыйақы беретінін мәлімдеген. АҚШ-та оны “Әл-Қаида” террористік тобы жетекшілерінің бірі ретінде санайды.